 |
|
|
Penjanje je, po svojoj prirodi, potencijalno opasna aktivnost. Suština penjačkog iskustva jest u donošenju odluka: koje osiguranje upotrijebiti, koje smjerove penjati, kojoj informaciji vjerovati. više
|
|
|
|
Zagorska posla
From: "Neven Petrovic" - [email protected]
Date: Fri, 29 Jul 2005 07:45:49 +0200
Ovak je to bilo. V ovaj četrtek sme Bero z Mokosa, okrug Konjščina donja i
ja, Neven z Ivanca, negdar selo Mačkovec, hteli pobeč od grde sparine v naši
jedini metropoli. I to kam drugde nek na Terihaj breg, ma makar nas i
komarci pikali. Zeli bumo Autan i vse bu v redu, mislili sme si. Ampak smo
se hudo prevarili. Vrag ti skeljil tu stenu, vsa je mokra bila - cedilo se
na vse strane, curilo z vsih luknji. Niš nam drugo ni ostalo nek okrenut
nazaj na Okić i videt kak je tam. Znali smo, ne bumo v hladovini ali kaj se
tu more. Kad te nekaj neče, te neče. Auta sme ostavili kraj planinarske hiže
i prešli do Modeca. Nisme baš točno znali kaj smo šteli plezat, pa sme si
rekli gremo po redu. A red nas je prve zapelal v Žnidaršićev brid, a potem v
obadve varijante Modeca. Početek novega doba nam se nekak ni šmekal, zgledi
jako žmehke, pa sme ga preskočili. Al je onda Bero zate nastavil, kak da ga
vrag naganja, fletno plaziti po svim ostalim smerima na tej pečini. Ni jeden
mu ni baš najmenjšega problema predstavlal. Jaz sem, pak, malčice zatajil v
Zlomlenemu klinu gde mi se stalno smicalo pod nogami, pa mi ni druge bilo
nek da se za gurtnu povlečem. Ostale steze sem sprašil skoro tak kak i Bero
ki je, bok i bogme, v jake dobri formi. I to mi je nekak bilo dost za tej
den. Fini gemišti v najbliži birtiji su mi se po glavi počeli motati, mira
mi nikak dali nisu. Al' je Bero još imel kuršule v riti. Moramo splezati i
to Nove doba, ni v redu, rekel je, da ga sam tak zapustime. Ak sme rekli da
plezamo vse po redu, onda se nikak ne šika če preskočimo tu smer. I bome je
navalil, onak krakat kak kondor, na tu bleščeču ploču. No, ni išle. Opal je
jemput, dvaput, triput. Dobro, ak se mora grem i ja. I pogle, sveta Marijo,
splezal sam dobri meter više od njega! Našnjofal sem trik ki njemu ni bil na
pameti, te se vrnul dol zadovoljen. Bero je potem sprobal taj isti štos i
malo mu je falele da dojde do vrha. Niš, bume to zbavili drugi put - rekli
sme si i dali petama vetra prema gostioni. Milečki, dve pivice i čiča-miča.
N.
P.S.
Gore je bilo i nekaj pajdaša z Pulfera. Jednega smo deli na sliku. Mi se ne
bi tak slekli ni da nam grde novce plate.
Slomljeni klin.JPG
created by: zeljeznicar @ 2005-07-29 07:56:01
|
|
|
|
|
