 |
|
|
Penjanje je, po svojoj prirodi, potencijalno opasna aktivnost. Suština penjačkog iskustva jest u donošenju odluka: koje osiguranje upotrijebiti, koje smjerove penjati, kojoj informaciji vjerovati. više
|
|
|
|
Zagorci pod Kotom 1182
From: "Neven Petrovic" - [email protected]
Date: Mon, 28 Jul 2008 17:57:23 +0200
Fajn se sveta pretilo da bu ovega vikenda na Klek išlo, ampak smo sam Bero i
ja, tak zgledi, gore bili. V subotu se je to pripetilo. Nu, dobre nisme tam
bili baš sami. Prišlo je dosti Karlekaša i nekaj Slovencov, ali se su to
sami planinari bili. Zato je bar, kad su se te bratije odhajale, na Kleku
bil pravi mir božji. Čulo se tu i tam kak neka krava beči, traktor kašlje
il' se baba na decu dere, ali opet to se spada v lokalni folklor pa se ne
računa. A nas smo se dva latili plezanja v hladu, kaj znači v zapadni steni.
Prvi je na red došel 'List' da posluži kakti neko ogrevanje. Nu, Bero ni
mogel zdržati pri pogledu na onu tretju seksi dužinu 'Ogledala' jer mu je to
bil dug od pred leto dni, kad ju ni zmogel fraj. Sad pak ju je. Navalil je
gore ko' stekli i prešel onega previsa dok si rekel 'gemišt'. Meni, pak, ni
išle tak dobro. Neka me malaksalost spopala. Čak me predi kraju grč v desnem
ramenu vlovil, kaj mi se nikdar ni zgodilo. Mnim si da je to bilo radi hude,
hude sparine. A spodi kacige mi se znoj tak cedil prek čela da me v očima
peklo.
Ipak, ni nam bilo odustati od glaveneg jela za koje smo se i bili ogrevali,
a to nisu bili štrukli ili kobasice z zeljem nek' HPD-90. Odišli smo v taj
smer, makar je več sunce v njem bilo. Ampak več ni Beri ni išlo kak se šika.
Dvaput je opal v prvem cugu: prvo na ulazu, a onda v onem dilferu gore. Ja
sam vrisnul sam edenkrat: na ulazu su mi se prsti posmeknuli z rupe. Je, je!
Smicalo se na se strane - i za prednje i za stražnje noge. Osim tega, matice
ne držiju kak treba na jedno šest-sedam spitova v oba smera, pa je malo i
herc jače tukel kad je bilo žmehke. Zato preporučam da zemete kakav ključ ak
bute išli v neki od ta dva. Kad smo se konačne zvlekli vun, samo nam je do
mrzloga piva bilo. A to smo si privuštili prvo v domu, a zatim v Ogulinski
kavani. I taman kak smo z nje nekak zašli van, se nebo zrušilo. Ali i nek'
je. Važno da je nami vreme zdržalo dok smo gore bili.
Neven P.
created by: zeljeznicar @ 2008-07-28 18:06:00
|
|
|
|
|
